Juventusi ka nevojë për golat e Kolo Muanit për të mbajtur shpresat për një vend në katërshen e parë të Serie A, por sulmuesi francez ka ngecur pas një fillimi ëndrrash.
Humbja e rëndë 4-0 në shtëpi ndaj Atalantës e ka futur sërish Juventusin në një krizë të thellë.
Dështimi i së dielës mbrëma jo vetëm që ndali një seri prej pesë fitoresh radhazi në kampionat, por gjithashtu i dha fund edhe atyre shpresave të zbehta për titullin kampion, të cilat ishin rritur falë rezultateve të fundit.
“Zonja e Vjetër” tani është rikthyer me këmbë në tokë pas një sezoni të trazuar dhe ka vetëm një objektiv në horizont: vendi i katërt, i cili do të siguronte kualifikimin për edicionin e ardhshëm të Ligës së Kampionëve.
Një qëllim jo i lehtë për t’u arritur dhe për të cilin Juventusi ka nevojë për golat e Kolo Muanit. Pas një nisjeje të shkëlqyer, francezi duket se ka humbur shkëlqimin dhe prej disa ndeshjesh Thiago Motta nuk po mund të mbështetet tek ai.
FILLIMI ËNDRRËS
Performancat e Kolo Muanit në javët e para të aventurës së tij me fanellën bardhezi janë ende të freskëta në kujtesën e tifozëve.
I huazuar nga PSG gjatë merkatos së janarit, ai debutoi duke shënuar menjëherë në humbjen 2-1 ndaj Napolit.
Vetëm pak ditë më vonë, ai realizoi një dopietë në fitoren 4-1 kundër Empolit dhe në ndeshjen pasardhëse e përsëriti këtë sukses, duke shënuar dy herë ndaj Komos.
Pesë gola në tri ndeshjet e tij të para në Serie A – një ritëm mbresëlënës që la përshtypjen se Juventusi kishte gjetur sulmuesin e duhur për të synuar objektiva më të larta. Por, pikërisht kur dukej se francezi do të bëhej vendimtar për ekipin, diçka u thye.
SHTATË NDESHJE PA SHËNUAR
Dopieta ndaj Komos mbetet momentalisht paraqitja e fundit me gola për Kolo Muanin në fanellën e Juventusit.
Për herë të fundit ai festoi një gol më 7 shkurt, dhe që prej asaj dite ka kaluar më shumë se një muaj pa shënuar.
Në këtë periudhë, Juventusi ka luajtur shtatë ndeshje mes kampionatit, Kupës së Italisë dhe Ligës së Kampionëve, por emri i tij nuk është shfaqur
