Janë luajtur sot ndeshjet e fundit në Serie A, ku vëmendja kryesore ka qenë te gara mes Juventusit dhe Romës për vendin e katërt si dhe te mbijetesa. Juventus fitoi në transfertë 2-3 në Venezia. Vendasit surprizan bardhezinjtë duke kaluar në avantazh që në minutën e dytë me Fila, pas një aksioni të shpejtë.
“Zonja e Vjetër” përmbysi shifrat me golat e Yildiz 25′ dhe Kolo Muani 30′. Pjesa e parë u mbyll 1-2 për Juventusin. Në minutën e 55-të, Venezia barazoi shifrat me Harps, pas asistit të Doumbia. Goli i fitores për bardhezinjtë do të vinte nga Manuel Locatelli në minutën e 73-të nga pika e bardhë e penalltisë, pasi Francisco Conceicao u pengua brenda zonës. SHIKOGOLAT/
Roma fitoi në transfertë 0-2 ndaj Torinos me golat e Paredes 18′ me penallti dhe Saelemaekers 53′. SHIKOGOLAT Verdhekuqtë e mbyllin në vendin e pestë me një pikë më pak se Juventus i vendit të katërt dhe sezonin e ri do marrin pjesë në grupet e Europa League, bashkë me Bologna-n, e cila fitoi Kupën e Italisë.
Ndërkohë Lazio që deri para një javë ishte në garë për zonën Champions, mbetet jashtë Europës, pasi u mund sot 0-1 nga Lecce dhe renditet në vendin e shtatë. Në Conference League do shkojë Fiorentina, e cila fitoi në transfertë 2-3 në Udine. Me fitoren e sotme, klubi vjollcë e mbyll në vendin e gjashtë.
Ndërkohë, Empoli i bashkohet Venezia-s dhe Monza-s dhe do të luajë në Serie B sezonin e ri. Ekipi ku luan edhe mbrojtësi i Shqipërisë, Ardian Ismajli, u mund në fushën e vetë 1-2 nga Verona, duke e mbyllur në vendin e 18-të këtë sezon.
Champions League: Napoli kampion, Inter, Atalanta, Juventus
Europa League: Roma, Bologna
Conference League: Fiorentina
Serie B: Empoli, Venezia, Monza
