Juventus dhe Atletico Madrid janë në bisedime për Alexander Sorloth, por për momentin marrëveshja duket e vështirë për shkak të diferencës së madhe mes ofertës dhe kërkesës.
Sipas raportimeve, klubi italian ka ofruar 22 milionë euro për sulmuesin norvegjez, ndërsa Atletico Madrid kërkon 40 milionë euro për ta lënë të largohet. Palët i kanë pozicionet e qarta dhe një akord mund të arrihet vetëm nëse Juventus rrit ofertën, ndërsa klubi madrilen ul pretendimet.
Për Sorloth ka shfaqur interes edhe Milan, ndërsa vetë lojtari nuk do ta përjashtonte një kalim në Serie A. Atletico e bleu sulmuesin nga Villarreal në vitin 2024 për 32 milionë euro, ndërsa kontrata e tij është e vlefshme edhe për dy vite të tjera.
30-vjeçari ka zhvilluar një sezon pozitiv me Atletico, duke shënuar 20 gola në 54 ndeshje në të gjitha kompeticionet. Edhe pse nuk ka qenë gjithmonë titullar, pasi Simeone ka preferuar Julián Álvarez dhe Griezmann, Sorloth ka treguar se di të jetë vendimtar kur skuadra ka pasur nevojë për të.
Ndërkohë, Atletico dhe Juventus po diskutojnë edhe për Nico González, por kjo është një negociatë e ndarë nga ajo për Sorloth.
