Juventusi ka nisur kërkimet për një portier të ri pas disa gabimeve të rënda nga Di Gregorio në ndeshjet e fundit, ku ai u kritikua për paraqitjet e tij kundër Lazios, Interit dhe Comos. Mënyra se si ai ka luajtur ka detyruar drejtuesit e klubit të mendojnë për merkaton e transferimeve verën e ardhshme, pasi Di Gregorio, i cili u transferua në 2024 për 18 milionë euro, nuk ka treguar vazhdimësi dhe siguri.
Në të kaluarën, Juventusi kishte në plan të sjellë Mike Maignan në Torino me parametra zero, por rinovimi i tij me Milanin e ndryshoi situatën. Tani, klubi kërkon një portier italian për të siguruar një përfaqësim më të madh të lojtarëve vendës, pasi në radhët e skuadrës aktualisht ka vetëm Di Gregorion, Cambiaso dhe Locatelli. Një nga emrat më të përfolur është Guglielmo Vicario, portieri i Tottenham, i cili synon të kthehet në Serie A. Megjithatë, vlera e tij lëviz mes 25-30 milionë eurosh, dhe paga prej 4.5 milionë eurosh është brenda kapacitetit financiar të Juventusit.
Përveç Vicario, Juventus po shqyrton edhe mundësinë e Marco Carnesecchi nga Atalanta. Ai ka qenë një nga portierët më të mirë në kampionat dhe mund të përfaqësojë një investim më të madh, nga 30-40 milionë euro, por me përfitimin e një portieri të ri 26-vjeçar që do të sigurojë stabilitet për disa sezone.
Sidoqoftë, për të realizuar këtë investim, Juventusi ka nevojë që për të arritur pjesëmarrjen në Ligën e Kampioneve, ndryshe mundësitë e tyre në merkaton e verës do të jenë të limituara. Kështu, të ardhmen e portierit duket se do ta përcaktojë gjithashtu performanca e skuadrës në mes të sezonit. Klubi është në një pozitë ku duhet të vlerësojë me kujdes çdo lëvizje për të përmirësuar mbrojtjen e tij.
