Hailey Bieber ka ngritur alarmin për gjendjen psikologjike të bashkëshortit të saj, Justin Bieber. Sipas një burimi pranë çiftit, këngëtari nuk fle, mezi ha dhe dërgon mesazhe të pakuptimta gjatë natës. Gjendja e tij është përkeqësuar pas lindjes së djalit të tyre dhe pas përfshirjes së tij si viktimë dhe dëshmitar në hetimet ndaj P. Diddy.
Në një video të fundit ku këndonte për fansat, shumë persona dyshuan se ai mund të ishte nën efektin e substancave. Në një postim në Instagram, këngëtari i hitit Sorry kishte deklaruar gjithashtu se “e urren veten”.
Burime të besueshme raportojnë se Justin, atëherë vetëm 16 vjeç, ka qenë viktimë e dhunës seksuale gjatë një prej festave famëkeqëve “white party”, ku kanë qenë të pranishëm edhe figura të tjera të njohura. Këto akuza janë bërë publike nga producenti Marion Suge Knight, i cili aktualisht ndodhet në burg.
“Justin është në një spirale të rrezikshme. Nuk fle, mezi ha, dërgon mesazhe të pakuptimta gjatë natës – ka thënë burimi për mediat. – Shpesh ato që thotë nuk kanë kuptim, por ai është i bindur se kanë. Nuk e kupton sa shumë ka nevojë për ndihmë dhe të gjithë rreth tij janë jashtëzakonisht të shqetësuar”, thotë burimi.
