Julián Álvarez është rikthyer në fushë me Atlético Madridin, por situata e tij vazhdon të mbetet e tensionuar.
Sulmuesi argjentinas luajti 24 minuta në barazimin 2-2 ndaj Villarrealit, ndërsa gjatë ndeshjes u prit me vërshëllima nga një pjesë e tifozëve në “Metropolitano”.
Pas përfundimit të sfidës, Julián u drejtua i vetëm drejt dhomave të zhveshjes, me udhëzim të klubit, pa qëndruar me pjesën tjetër të skuadrës për të përshëndetur tifozët.
Kritika ka pasur edhe për paraqitjen e tij. Gazetari Miguel Martín Talavera deklaroi në “El Larguero” se argjentinasi nuk po e mban premtimin që u kishte bërë shokëve të skuadrës për të dhënë maksimumin për sa kohë qëndron te Atlético.
Sipas tij, edhe një kërkim faljeje nuk do të mjaftonte për të qetësuar situatën, ndërsa e ardhmja e Julián vazhdon të jetë e lidhur fort me merkaton dhe interesimin e Barcelonës.
