Reperi i njohur Sean “Diddy” Combs do ta festojë këtë vit ditëlindjen e tij të 55-të në Metropolitan Detention Center në Brooklyn, New York, pas arrestimit të tij në shtator.
Por ndryshe nga përditshmëria e tij kur ishte i lirë, ushqimi që do të konsumojë në burg do të jetë disi ndryshe dhe larg luksit të shfrenuar ku fansat e tij ishin mësuar që ta shikonin. Për festën e datëlindjes atij do t’i bëhet një përjashtim nga kushtet aktuale të burgut, pasi do të përzgjedhë vetë ushqimet që do të konsumojë.
Dita e tij do të fillojë me një mëngjes të thjeshtë me drithëra, fruta dhe një kek. Në drekë, ai do të shijojë makarona me salcë marinara dhe një sallatë, ndërsa për darkë do të ketë opsione si pulë ose oriz i skuqur me tofu, shoqëruar me fasule të zeza e karota.
Kjo festë e tij vjen si një kontrast i madh me vitet e kaluara, kur Diddy organizonte festa madhështore me yje të famshëm. Vjet, ai e festoi ditëlindjen në një restorant luksoz në Londër, ku ftoi emra të njohur si Janet Jackson dhe Naomi Campbell. Në vitin 2019, kur mbushi 50 vjeç, ai organizoi një festë në rezidencën e tij në Beverly Hills me një mori të famshmish si Beyoncé, Jay-Z, Kim Kardashian dhe shumë të tjerë.
Arrestimi i Diddy-t ka sjellë akuza serioze, përfshirë abuzim seksual dhe mashtrim. Hetimet e zhvilluara kanë nxjerrë në pah festivale të cilat akuzohen se kanë rezultuar në ngjarje të rënda për disa individë, duke përfshirë dyshime për përdorim droge dhe sulme seksuale.
Pavarësisht situatës së tij, Diddy duket se po e pranon këtë ditëlindje me një qasje të re, duke shpresuar që ditët e tij të ardhshme të jenë më të mira.
