Gazetarja dhe moderatorja e njohur, Ilva Tare, ka festuar ditëlindjen këtë 2 prill duke ndarë disa momente të veçanta nga Washington, DC. Me një postim në Instagram, ajo ka shprehur lumturinë e saj për këtë ditë të rëndësishme, e rrethuar nga familja dhe bukuria e natyrës.
“Prilli është muaji im. Ndihem kaq me fat që festoj ditëlindjen time mes magjisë së pranverës në Washington, DC—aty ku lulet e qershisë pikturojnë qytetin me nuanca të buta rozë, duke më kujtuar sa e bukur është jeta.” – ka shkruar Ilva krahas disa fotove mahnitëse.
Gazetarja ka ndarë mirënjohjen e saj për familjen, duke përmendur me dashuri fëmijët e saj, Melody dhe Thomas, si dhe bashkëshortin e saj , të cilët e bëjnë çdo moment të jetës së saj edhe më të veçantë.
Ndër të tjera, ajo ka falënderuar edhe mikun e saj të afërt, fotografin Ivan Dervishi, për portretizimin e këtyre momenteve të bukura.
“Gëzuar për Prillin, muajin më të mirë nga të gjithë!” – ka përfunduar postimin e saj gazetarja.
