Deputetja e PD-së, Oriela Nebiaj, ka reaguar pasi emri i saj u përfshi në listën e kandidatëve për deputetë në qarkun e Fierit.
Në një postim në Facebook, ajo ka sqaruar se ka kërkuar të mos jetë pjesë e asnjë liste, as në Tiranë dhe as në Fier.
Nebiaj theksoi se ky vendim nuk është një tërheqje, por një mundësi për t’u hapur rrugë rinisë dhe grave që e meritojnë më shumë.
“Kam kërkuar të mos jem në asnjë listë, as në Tiranë (në respekt të primareve) as në Fier. Për sqarim, dikush i ka lexuar gabim emrat. Jo si tërheqje, por si vendim për t’i lënë rrugë të rinjve dhe zonjave që e meritojnë më shumë se unë. Jam dhe do të jem gjithmonë me PD. Suksese ekipit të fitores”, shkruan ajo.
