Te Barcelona duket se kanë gjetur versionin më të mirë të Ferran Torres. Sulmuesi spanjoll, i cili ishte në prag të largimit merkaton verës së kaluar dhe në atë të janarit, e ka dëshmuar veten me paraqitje të jashtëzakonshme në ndeshjet e fundit.
Ndeshja e mbrëmshme për Kupën e Mbretit ndaj Valencia-s ishte provë e mirëfilltë që tregon rritjen e tij, ku shënoi 3 gola brenda pjesës së parë.
Shkathtësia e tij e ka lejuar të shkëlqejë si në krahë ashtu edhe në qendër të sulmit, një fleksibilitet që Hansi Flick ka ditur ta shfrytëzojë.
Kundër Valencia-s, ai luajti edhe një herë si 9 false, një rol në të cilin duket se ndjehet gjithnjë e më rehat. Aftësia dhe instinkti i tij për të shënuar gola, kanë qenë faktor kyç në formën e tij të shkëlqyer, të reflektuar në dhjetë golat që ka shënuar deri tani këtë sezon.
Por nuk ka qenë aspak e lehtë për 24-vjeçarin të fitojë vendin e tij në ekip, falë besimit të Hansi Flick por edhe drejtorit sportiv, Deco, Ferran Torres ka gjetur vendin e tij te Barcelona dhe është i gatshëm të japë kontributin e tij në pjesën më vendimtare të sezonit.
