Komuniteti lokal i Sindosit në Selanik u trondit ditën e sotme nga vrsja e një 44-vjeçareje shqiptare.
Autor i dyshuar i ngjarjes është bashkëshorti i saj, gjithashtu me oorigjinë shqiptare, i cili u hodh nga ballkoni i katit të dytë.
53-vjeçari u dërgua në spital në gjendje të rëndë, por ndërroi jetë për shkak të plagëve të marra.
Çifti ishin prindër të dy vajzave, të cilat në momentin e ngjarjes nuk ndodheshin në banesë.
Fqinjët raportojnë se nuk kanë dëgjuar debate më herët dhe të dy ishin njerëz të qetë.
“Jemi në banesën ngjitur dhe nuk kemi dëgjuar as zhurmë, as debate, asgjë. Ata shkonin në punë, ishin një familje e rregullt dhe kishin fëmijë”, thotë një nga fqinjët.
Si ndodhi ngjarja
53-vjeçari me origjinë shqiptare goditi me thikë në bark dhe në qafë gruan e tij teksa ajo ndodhej në ballkon. Gruaja vdiq nga gjakderdhja e pakontrolluar.
Menjëherë pas vrasjes, autori u hodh nga ballkoni i katit të dytë dhe pavarësisht se u transportua mënjehrë në spital humbi jetën nga plagët e marra.
