Gjatë shortit të fazës së grupeve për Kupën e Botës 2026, i cili po mbahet në këto momente, presidentit amerikan Donald Trump pritet t’i dorëzohet një çmim për paqen. Ky vendim ka shkaktuar reagime, veçanërisht nga ish-presidenti i FIFA-s, ish-kreu i institucionit më të madh të futbollit botëror.
Joseph Blatter e konsideron çmimin të papërshtatshëm, duke thënë se nëse dikush meriton një vlerësim të tillë, është vetë futbolli — por sipas tij, drejtuesit aktualë nuk e marrin këtë as në konsideratë.
Deklarata e Blatter:
“Kanë krijuar një çmim të tyre për paqen. Besoj se kjo është e gabuar. Futbolli duhet të marrë një çmim të tillë nga një organizatë zyrtare. Por kjo ide nuk u shkon kurrë në mendje atyre që drejtojnë futbollin. Më vjen keq.
Nuk them dot që Trump dhe Gianni Infantino nuk mund të jenë miq të mirë, por nuk shoh ndonjë interes të vërtetë për futbollin. E shoh këtë si lidhje personale, sidomos me Trumpin.
Nuk e di se ku ndodhet tani trofeu i vërtetë i Kupës së Botës. Ai mbahej gjithmonë në Zyrih nën mbrojtje të sigurt para turneut. Ndoshta trofeu është tashmë në Shtëpinë e Bardhë,” tha Blatter.
