Pas katër vitesh në krye të skuadrës zikaltër, trajneri Simone Inzaghi i dha fund aventurës së tij me Interin.
Lajmi është konfirmuar nga mediat italiane zyrtarisht pas një takimi të zhvilluar mes trajnerit dhe drejtuesve të klubit, ku Inzaghi ka shprehur dëshirën për t’u larguar përpara përfundimit të kontratës, e cila ishte e vlefshme deri në vitin 2026.
Tashmë Interi është pa trajner dhe nuk ka kohë për të humbur.
Klubi do të udhëtojë më 11 qershor drejt Los Angeles-it për të marrë pjesë në Kupën e Botës për Klube, ndaj zgjedhja e trajnerit të ri duhet të bëhet brenda pak ditësh.
Emri më i përfolur për të marrë drejtimin është ai i Cesc Fabregas. Aktualisht i lidhur me Comon në Serie B, spanjolli është kontaktuar që pas përfundimit të kampionatit italian.
Një profil i ri, me vizion modern dhe ambicie të qarta. Alternativa tjetër është Roberto De Zerbi, i cili ndodhet në pritje pas largimit nga Brighton.
Ai u përpoq të minimizojë zërat duke thënë se “asnjë klub nuk më ka kontaktuar”, por pritet se kush do jetë pasuesi i Inzaghit.
