Pippo Baudo ka lënë pas një trashëgimi prej rreth 10 milionë eurosh dhe testamentin e tij e hapën më 9 shtator 2025 në Bracciano, në zyrën e noteres Renato Carraffa.
Në akt ishin të pranishëm vajza e tij Tiziana, djali Alessandro dhe sekretaria e tij e besuar prej dekadash, Dina Minna.
Pasuria përfshin të ardhura nga karriera e gjatë televizive, mes tyre kompensimet e Festivalit të Sanremos ku ai ka prezantuar 13 herë, të drejta imazhi, reklama, investime, si dhe pasuri të paluajtshme: një vilë në Fiano Romano, toka në Noto e Siracusa dhe pesë apartamente në Romë me vlerë të lartë.
Ajo që tërhoqi më shumë vëmendje ishte fakti që Dina Minna u vendos pothuajse në të njëjtin nivel me fëmijët e tij, duke përfituar një pjesë të konsiderueshme të trashëgimisë, thuajse të barabartë me atë të Tizianës dhe Alessandro-s.
Në media është përfolur gjithashtu se mund të ketë dhurime shtesë për avokatët e tij dhe ndonjë organizatë bamirësie, pasi Baudo njihej si njeri bujar e diskret.
