Është ekstraduar nga Spanja drejt Shqipërisë shtetasi Ermal Gora 46 vjeç, banues në Tiranë, i shpallur në kërkim për një tentativë vrasjeje të ndodhur në maj 2023 në Berat.
Gjykata e Shkallës së Parë të Juridiksionit të Përgjithshëm Berat ka caktuar ndaj tij masën e sigurisë “Arrest në burg” për veprat penale “Sigurimi i kushteve dhe mjeteve materiale për të kryer vrasje” dhe “Mbajtja pa leje dhe prodhimi i armëve, armëve shpërthyese dhe municionit”, të kryera në bashkëpunim.
Sipas hetimeve, Ermal Gora., së bashku me tre persona të tjerë, dyshohet se kanë tentuar të vrasin një shtetas, por ngjarja është parandaluar falë ndërhyrjes së shpejtë të Policisë së Beratit gjatë operacionit “Objektivi”.
Materialet i janë kaluar Prokurorisë së Juridiksionit të Përgjithshëm Berat për veprime të mëtejshme procedurale.
