Forca e Posaçme Operacionale në Durrës ka finalizuar operacionin policor të koduar “Operacionalja 18”.
Në kuadër të këtij operacioni u arrestua Ermal Luku, 41 vjeç, i shpallur në kërkim ndërkombëtar në kuadër të operacionit ndërkombëtar antidrogë, të koduar “Tornado”.
Arrestimi i tij në Manzë të Durrësit u bë për llogari të Italisë.
Gjykata e Brescias /Itali me date 29.09.2024 ka lëshuar vendim “urdhër arresti ndërkombëtar” si i dyshuar për kryerjen e veprës penale “Trafikimi i lëndëve narkotike”, kryer në kuadrin e organizatës kriminale.
Vijon bashkëpunimi ndërmjet Interpol Tiranës dhe Interpol Romës, për ta ekstraduar këtë shtetas, në Itali./ilirianews
