Procesi i numërimit të votave të Diasporës është mbyllur me një gjest simbolik pajtimi. Pas përfundimit të rinumërimit për votat e Tiranës, është zyrtarizuar se Olta Xhaçka do të marrë mandatin në Kuvend, duke zëvendësuar Blerina Gjylametin. Ndërkohë, Orlando Rakipi do të zëvendësojë Xhemal Qefalinë.
Megjithëse gara ka qenë e ashpër, Xhaçka është parë t’i japë një përqafim koleges Gjylameti, një moment që është kapur edhe nga kamerat e të pranishmëve. Të dyja janë larguar nga salla e numërimit duke u përqafuar, duke dhënë një mesazh të qartë bashkimi dhe respekti reciprok.
Pavarësisht rezultatit, që për njërën palë nuk ka qenë i favorshëm, marrëdhëniet mes përfaqësueseve socialiste duken të qëndrueshme dhe pa tensione.
