Një aksident i rëndë ka ndodhur ditën e sotme në Divjakë, ku si pasojë ka humbur jetën një 62-vjeçar.
Burimet për median bëjnë me dije se shtetasi Maliq Meta ka qenë duke lëvizur me mjetin e tij në rrugën e parcelave ku në një moment 62-vjeçari ka humbur kontrollin e mjetit dhe si pasojë është përmbysur në kanal.
Sipas të njëjtit burim mësohet se Maliq Meta është bllokuar nga mjeti dhe si pasojë ka humbur jetën menjëherë.
Bashkëfshatarët e tij sapo kanë parë ngjarjen janë afruar menjëherë për t’i dhënë ndihmë, por nuk kanë arritur ta shpëtojnë.
