Gazetarja e njohur Valbona Mhilli është një nga banorët e rinj të “Big Brother Vip Albania”. Emri i saj u përfol shumë muaj më parë, kur një lapsus gjatë moderimit të emisionit të mëngjesit në “RTSH” shkaktoi një reagim të gjerë.
Ajo përdori gabimisht fjalën “Holauskët” në vend të “Holokaust”, një ngatërresë që çoi në largimin e saj nga Radio Televizioni Shqiptar.
Ky moment u rikujtua edhe gjatë prezantimit të gazetares në “Big Brother”, ku u transmetua një video klip që përfshinte dhe këtë incident. Gjatë një bisede me Ledionin, opinionisti Arbër Hajdari u pyet nëse ky lapsus mund të ndikonte në qëndrimin e Valbonës në shtëpinë e “Vëllait të Madh”. Ai e quajti atë një gabim të rëndë, por shtoi se nuk do të kishte asnjë ndikim te ajo në konkurs.
“Unë nuk mendoj që është gabim i cili… ajo mund ta kalojë atë gabim, mund edhe t’i ketë shërbyer të hapë ndonjë libër të lexojë,” tha Arbëri, duke theksuar se shpresonte që ky moment të kishte shërbyer si një mësim për të.
Me këtë pjesëmarrje, Valbona Mhilli do të përballet me shumë syra të tjera, por ngatërresa e saj e kaluar duket se është një kapitull tashmë i mbyllur.
