Shorti për ndeshjet finale të Kampionatit Europian U-17 “Shqipëri 2025” u hodh këtë të hënë në “Shtëpinë e Futbollit” duke përcaktuar grupet dhe kundërshtarët e tetë ekipeve kombëtare finaliste. Turneu do të zhvillohet në Shqipëri nga 19 maji deri më 1 qershor 2025.
Shorti u hodh nga ambasadori i turneut, Klaus Gjasula, i cili tërhoqi goglat, ndërsa ceremonia u drejtua nga Shefi i Futbollit të Djemve në UEFA, Lance Kelly. Në event morën pjesë përfaqësues të ekipeve finaliste, UEFA-s, FSHF-së, mediave, qeverisë shqiptare dhe partnerëve të FSHF-së.
Grupet e turneut:
Shqipëria do të jetë pjesë e grupit A dhe tre përfaqësueset e tjera që i bashkohen këtij grupi janë: Franca, Gjermania dhe Portugalia.
Pjesë e grupit B do të jenë katër ekipet e tjera: Italia, Belgjikë, Angli dhe Çeki.
Faza finale e këtij turneu do të luhet në katër stadiume në vendin tonë: “Arena Kombëtare”, Tiranë, “Elbasan Arena”, Elbasan, “Arena Egnatia”, Rrogozhinë dhe “Niko Dovana”, Durrës.
Shqipëria do të luajë ndeshjen hapëse të Kampionatit Europian U-17 ndaj Portugalisë më 19 maj në stadiumin “Arena Kombëtare”, në orën 18:00.
Finalja e madhe do të luhet më 1 qershor në stadiumin “Arena Kombëtare” në Tiranë.
***Për mediat e interesuara për të ndjekur ndeshjet e fazës finale të këtij turneu, jeni të lutur të shkruani në e-mailin: [email protected].
