Detaje të reja kanë dalë nga helmimi i të miturve në një kopsht në Gramsh. Top Channel shkruan se burime pranë AKU bëjnë me dije se vezët e përdorura në kopshtin nr 1 në Gramsh kanë qenë të kontaminuara me salmonelë. Ndërkohë që nga analizat e AKU-së, më parë rezuktoi se mishi i pulës dhe qumështi rezultuan negativ.
Skandali i salmonelës në kopshtin e fëmijëve në Gramsh u identifikua një javë më parë kur disa fëmijë shfaqën simptoma të njëjta të sëmundjes duke nxitur dyshime tek mjekët të cilët kërkuan analiza të mëtejshme. ISHP kreu analizat për 79 persona të këtij kopshti, ku 17 prej tyre rezultuan pozitiv me virusin e rrezikshëm, 16 fëmijë dhe psikologia e kopshtit.
