Presidenti Bajram Begaj e ka cilësuar hapjen e Grup-Kapitullit të fundit të negociatave si një moment kyç në rrugëtimin e Shqipërisë drejt anëtarësimit në Bashkimin Europian.
Ai theksoi se ky hap dëshmon progresin e qëndrueshëm të vendit dhe hap një etapë të re reformash të thelluara në fusha si bujqësia, siguria ushqimore, zhvillimi rajonal dhe menaxhimi i burimeve.
Begaj: Hapja sot e Grup-Kapitullit të fundit shënon një moment të rëndësishëm në rrugëtimin e Shqipërisë drejt anëtarësimit në Bashkimin Evropian.
Ky hap konfirmon progresin e qëndrueshëm të vendit tonë dhe çel një fazë të re reformash më të thelluara në bujqësi, sigurinë ushqimore, zhvillimin rajonal dhe menaxhimin e burimeve.
