Kryeministri Edi Rama dhe zëvendëskryeministrja, njëherësh Ministër i Infrastrukturës dhe Energjisë, Belinda Balluku kanë marrë pjesë sot në hapjen e Unazës së Madhe të Tiranës. Një projekt prej 29 kilometrash i gjatë që lidh kryeqytetin me të gjitha rrugët dalëse kombëtare.
Kryeministri Edi Rama shkruan në një postim në Facebook se Unaza e Madhe e Tiranës është projekti më i madh infrastrukturor në historinë e kryeqytetit. Ai thotë se projekti do të çlirojë kryeqytetin nga trafiku, dhe do të ketë një impakt të rëndësishën në ekonomi duke rritur vlerën e pronës, dhe zhvillimin e bizneseve të reja.
POSTIMI:
Hapet Unaza e Madhe e Tiranës, projekti më i madh infrastrukturor në historinë e kryeqytetit, i finalizuar brenda afateve të premtuara, që do të çlirojë kryeqytetin nga trafiku, dhe do të ketë një impakt të rëndësishëm në ekonomi duke rritur vlerën e pronës, dhe zhvillimin e bizneseve të reja.Unaza e Madhe e kryeqytetit përbën një segment prej 29 kilometrash të gjatë që lidh kryeqytetin me të gjitha rrugët dalëse kombëtare, e që i paraprin sfidës së radhës; bypassit të Elbasanit.
