Roland Islami me profesion avokat dhe i fokusuar në fushn e divorceve bashkëshortore, ishte i ftuar në një emision radifonik, ku ka folur për disa raste të veçanta që i është dashur të mbulojë në punën e tij.
Ai tha se dhuna dhe tradhëtia janë ndër shkaqet kryesore që sjellin divorcin, por ka dhe raste të tjera mbase të padëgjuara.
Disa ditë para vitit të ri, një zonjë i kërkoi avokatit një urdhërmbrojtje nga bashkëshorti. Pavarësisht se ai nuk e kishte dhunuar vajzën, policia e mori dhe e mbajti tre ditë në paraburgim të fejuarin.
Nga ana tjetër, vajza që kërkoi urdhërin e mbrojtjes, kaloi disa ditë të ndjera me të dashurin e saj që erdhi nga jashtë shtetit!
Avokati:
Dhuna sot është më shumë e stisur për shkak të tradhtisë bashkëshortore. Nëse mund të them një rast… Në vitin që iku, tre ditë para Vitit të Ri, me datë 29 dhjetor, më vjen një zonjë tek zyra dhe më thotë që do të marrë një urdhër mbrojtje. E pashë që nuk kishte shenja dhune dhe e pyeta pse e donte urdhrin e mbrojtjes. ‘Dua urdhër mbrojtje, urgjent më bëj kërkesën’, tha. E bëra kërkesën për urdhër mbrojtje unë, e dërgova në komisariat dhe bëri denoncim ajo. Shkuan e morën burrin e saj dhe e futën tre ditë në paraburgim për dhunë në familje deri në datën 2 janar. Kur e kuptoj më datën 3 që pse ishte bërë e gjithë kjo, sepse i kishte ardhur i dashuri nga jashtë shtetit dhe donte të kalonte Vitin e Ri në shtëpi me të dashurin dhe e mbajti bashkëshortin e saj në paraburgim. Futi burrin e saj në burg për të qëndruar me dashnorin natën e Vitit të Ri.
