Pep Guardiola ka folur me superlativa për Rayan Cherki, pas fitores 2-1 të Manchester City ndaj Nottingham, ku francezi ishte protagonisti kryesor i mbrëmjes.
Në konferencën për shtyp pas ndeshjes, trajneri i “Citizens” u shpreh i impresionuar nga ndikimi i 22-vjeçarit, duke theksuar se Cherki po jep më shumë se sa pritej nga një afrimi i ri.
“Kur firmosim një lojtar, gjithmonë presim më të mirën. Por me Cherki është edhe më shumë: asiste të pabesueshme, gola vendimtarë. Ndonjëherë i bërtas, dhe ndonjëherë thjesht dua ta puth. Kaq të përziera janë ndjenjat e mia,” u shpreh Guardiola.
Në sfidën ndaj Nottingham, Cherki fillimisht asistoi për Tijjani Reijnders në golin e parë, ndërsa më pas shënoi edhe vetë golin që rezultoi vendimtar për fitoren e Cityt.
Këtë sezon, Cherki numëron 5 gola dhe 8 asistime në 19 ndeshje me Manchester City. Francezi u transferua nga Lyon gjatë verës dhe, në një kohë të shkurtër, është kthyer në një element kyç në skuadrën e Guardiolës.
