Manchester City u mund 0-2 nga Liverpool në supersfidën e javës në Premier League, e cila u luajt sot pasdite në “Etihad”. Një dominim total i të kuqve nga fillimi në fund të ndeshjes, që nuk e vunë fitoren për asnjë moment në dyshim.
Ndërkohë pavarësisht humbjes, Pep Guardiola duket i kënaqur me perfomancën e Manchester City-t, të paktën kështu deklaroi tekniku spanjoll në intervistën pas ndeshjes.
“Ne humbëm, por performanca ishte shumë e mirë sot. Vërtet mirë. Unë e njoh ekipin tim. Ritmi, ritmi, presioni, solidariteti nga shumica e tyre duke luajtur në pozicione të vështira. Unë e miratoj dhe ishte shumë mirë…”, tha Guardiola.
Mesa duket tani duhet të mësohemi vetëm me perfomanca të tilla nga Manchester City, sepse ka ikur koha kur i “shkatërronte” kundërshtarët në fushë, ose të paktën luftonte deri në fund, ndryshe nga shumë ndeshje të këtij sezoni, ku disa lojtarë vetëm lëvizin në fushë…
