Një 50-vjeçar me origjinë shqiptare është arrestuar pasditen e djeshme pasi akuzohet se ka abuzuar me dy vajzat e tij të mitura.
Urdhri është lëshuar më 12 dhjetor dhe sipas aktakuzës, 50-vjeçari dyshohet se për 5 vite ka qenë abuzues ndaj vajzës së tij të mitur, si dhe ndaj vajzës së mitur të bashkëshortes së tij.
Ngjarjet kanë ndodhur mes viteve 2016 dhe 2021 në komunën Pylos Nestoros, ku autori i dyshuar jetonte me ish-bashkëshorten.
50-vjeçari ndaj të cilit ishte shpallur një urdhër-arresti është lokalizuar dje në Messina dhe është arrestuar.
Në njoftimin përkatës të Policisë thuhet : “Një 50-vjeçar i huaj është arrestuar pasditen e djeshme (16.12.2024) në Messina, nga efektivë të Drejtorisë së Policisë Mesinës, pasi ndaj tij kishte një urdhër-arresti në pritje, për abuzim me të mitur”.
