Futbollisti i njohur shqiptar, Granit Xhaka, dhe bashkëshortja e tij, Leonita, janë bërë prindër për herë të tretë.
Çifti ka mirëpritur vajzën e tyre të tretë, duke sjellë më shumë gëzim në familjen e tyre tashmë të madhe. Lajmin e ka ndarë vetë Xhaka përmes një postimi në rrjetet sociale, ku zbuloi se vogëlushja e tyre do të quhet Neyana.
“Neyana Xhaka❤️ 17.03.2025❤️ Zemrat tona janë më plotë se kurrë,” ka shkruar ai.
Lajmi për shtatzëninë e Leonitës u bë i ditur nga Xhaka pas një supergoli në Bundesligë, gjatë ndeshjes ndërmjet Bajer Leverkusen dhe Heidenheim. Ai e ndau këtë moment të veçantë duke vendosur topin poshtë bluzes, si një nënkuptim për shtatzëninë e bashkëshortes.
Xhaka është gjithashtu baba i dy vajzave, Ayana dhe Laneya. Graniti dhe Leonita u fejuan në vitin 2015, dhe dy vite më vonë e kurorëzuan dashurinë e tyre me martesë.
