Policia e Pensilvanisë është duke kërkuar hajdutët që grabitën një ngarkesë me 100,000 vezë organike, me vlerë mbi 40,000 dollarë.
Grabitja ndodhi në një kohë kur ka mungesë të vezëve në treg. Sipas mediave të huaja, oficerja Megan Fraser që po heton rastin, e ka quajtur të paprecedentë në karrierën e saj 12-vjeçare. Ajo kujtoi një rast të ngjashëm, kur dikush vodhi një kamion me pula.
Vjedhja ndodhi mbrëmjen e së shtunës në Greencastle, nga një magazinë me shumicë. Çmimi i vezëve ka shkuar deri në 50% më shumë krahasuar me vitin e kaluar. Fermerët e shpendëve po përballen me një epideminë e gripit të shpendëve, që ka detyruar therjen e miliona pulave.
Më shumë se 13 milionë pula janë eliminuar që nga dhjetori për të frenuar përhapjen e sëmundjes. Në fund të janarit, çmimi mesatar i vezëve ishte 5,29 dollarë për kuti, kundrejt 3,50 dollarëve të vitit të kaluar. Disa rafte të supermarketëve janë bosh, dhe restoranti i njohur Waffle House ka vënë një tarifë shtesë prej 50 cent për çdo vezë.
