Detaje të reja janë zbuluar nga grabitja argjendarisë në zonën e Paskuqanit, në Kamëz.
Sipas informacioneve të deritanishme, dy persona të armatosur, të dyshuar se ishin të pajisur me kallashnikov, kanë hyrë në ambientet e biznesit dhe, nën kërcënimin e armës, kanë marrë sende me vlerë.
Në momentin e grabitjes, brenda argjendarisë ndodheshin dy vajza punonjëse, të cilat janë përballur me autorët.
Fatmirësisht, nga ngjarja nuk raportohet për persona të lënduar.
Pasi kanë marrë sendet me vlerë, autorët janë larguar me shpejtësi nga vendngjarja me një motor pa targa, duke humbur gjurmët.
