Maroku siguroi kualifikimin në çerekfinale të Kupës së Kombeve të Afrikës 2025, pasi mposhti Tanzaninë me rezultatin 1-0 në fazën e 1/8-ave. Vendasit dominuan dhe sulmuan gjatë gjithë ndeshjes, por Tanzania u mbrojt me disiplinë deri pas orës së lojës.
Goli i vetëm i takimit erdhi në minutën 64’, kur Brahim Diaz realizoi golin e tij të katërt në turne, duke konfirmuar formën e shkëlqyer. Mesfushori i Real Madridit mori një pasim nga Achraf Hakimi, kaloi një mbrojtës dhe goditi në shtyllën e afërt.
Në aksion pati edhe një gabim të kushtueshëm nga portieri i Tanzanisë, Hussein Masalanga, i cili nuk arriti ta ndalë goditjen, duke i hapur rrugë Marokut drejt fitores minimale por vendimtare.
Në çerekfinale, Maroku do të përballet me fituesin e çiftit Afrika e Jugut – Kamerun.
