Gjykata e Tiranës ka vendosur të mos pranojë kërkesën e Prokurorisë për sekuestrimin e rreth 20 pasurive, me vlerë të përllogaritur rreth 50 milionë euro, që i përkasin biznesmenëve Elman Abule dhe Kristian Boçi, si dhe personave të tjerë të lidhur me ta.
Sipas informacioneve të siguruara nga gazetari Elton Qyno, vendimi është marrë pak ditë më parë nga gjyqtari Altin Abdiu, i cili u rikthye në detyrë në fillim të muajit qershor 2025 me vendim të Komisionit të Posaçëm të Apelimit.
Me këtë vendim, gjyqtari Abdiu ka refuzuar sekuestrimin e 20 shoqërive tregtare, dyqaneve, apartamenteve dhe vilave, pasuri këto të regjistruara në emër të Kristian Boçit, Elman Abules, Vladimir Avramit, si dhe katër personave të tjerë të lidhur me këta shtetas.
