Gjykata e Posaçme kundër Korrupsionit dhe Krimit të Organizuar ka rrëzuar sërish kërkesën e bërë nga kreu i Partisë së Lirisë, Ilir Meta për të dalë nga qelia.
Ish-Presidenti i vendit do të vijojë të qëndrojë në qeli.
Avokati i tij Kujtim Cakrani, në një deklaratë për mediet pas vendimit, tha se Meta nuk mund të lërë garanci pasurore në këmbim të lirisë sepse nuk ka pasuri, por ai u tregua i gatshëm të ofrojë pronat e veta për ta liruar.
“Zoti Meta nuk ishte i pranishëm sepse nuk i beson këto zëvendësimet. Ai ka qëndrimin e tij politik dhe e di pse e ka. Po ne jemi avokatët dhe ndjekim. Zoti Meta nuk mund të lërë pasuri pasurore sepse nuk ka pasuri, unë do t’ja lija nga pronat e mija dhe do ja le me shumë kënaqësi. Meta është aty dhe ne do ta nxjerrim padyshim se ai është i pafaajshëm.
Organi i procedurës sot nuk dha asnjë shpjegim gjykatës dhe nuk kishte asnjë bazë ligjore pse qëndron thjesht thonë që po të dalë do të kryejë të njëjtën vepër, pra sipas SPAK Meta është akoma President, Kryeministër”, tha Cakrani.
