Gjykata e Lartë ka rrëzuar kërkesën e Ilir Metës për përjashtimin e gjyqtarit Ilir Panda nga gjykimi i çështjes penale ndaj tij.
Meta kishte kërkuar largimin e gjyqtarit dhe zëvendësimin e tij me një tjetër, por kjo kërkesë është rrëzuar. Meta i është drejtuar Gjykatës së Lartë edhe për heqjen e masës së sigurisë e cila pritet të shqyrtohet në datën 27 nëntor.
Ilir Meta qëndron në paraburgim që nga 21 tetori 2024 dhe akuzohet së bashku me ish-bashkëshorten Monika Kryemadhi për korrupsion pasiv, pastrim parash dhe mosdeklarim të pasurisë lidhur me lobimin e LSI-së në SHBA.
Në të njëjtën dosje, për pastrim parash dhe korrupsion akuzohen edhe Fatime Kryemadhi, Pirro Xhixho dhe Ema Çoku.
