Ish-Presidenti Ilir Meta ka depozituar në Gjykatën Kushtetuese kërkesën për shfuqizimin e vendimit të Gjykatës së Lartë që e la në burg.
Kujtojmë se kreu i Partisë së Lirisë, Ilir Meta, prej 21 Tetorit të vitit 2024 ndodhet në qeli ndërsa përmes avokatit të tij, Kujtim Cakrani, ai po kërkon lirinë.
Ish-Presidenti i vendit kërkon shfuqizimin e vendimit të Gjykatës së Lartë që e la në qeli më 27 Shkurt si dhe kërkon shfuqizimin e vendimit të 19 Nëntorit 2024 të GJKKO që e la në qeli.
Në kërkesën drejtuar Kushtetueses, Meta pretendon se vendimet e tre gjykatave, Gjykatës Lartë, Gjykatës së Apelit, dhe Gjykatës së Shkallës të Parë, për masën arrest me burg ndaj tij, janë antikushttetuese dhe se kanë kanë cënuar rëndë liritë, Kushtetutën, ligjin procedural penal, por edhe Konventën Europiane për të Drejtat e Njeriut.
Kreu i Partisë së Lirisë është i izoluar në burgun “313” në Tiranë ndërsa hetimet ndaj tij vijojnë për aferën CEZ/DIA dhe lobimet në Uashington.
