Gjykata e Posacme ka dënuar me 2 vite e 8 muaj burg për ish kryetarin e Bashkisë së Durrësit Vangjush Dakon.
Ai akuzohet për shpërdorim detyre në dy raste dhe ndodhet në masën e sigurisë “arrest në shtëpi”. Dako ditën e sotme nuk mori pjesë në seancë, por u përfaqësua nga avokati i tij petrit Ismaili, ku kërkoi pafajësinë e ish-kryebashkiakut ose pezullimin e ekzekutimit të dënimit në rast fajësimi.
Dako akuzohet për ndërtimin e një pallati në Durrës 11 vite më parë, i cili u shemb nga tërmeti në nëntor të vitit 2019. Ndërsa rasti tjetër ka të bëjë me një tender për ndërtimin e një shëtitoreje në vitet 2014-2015, që i ka shkaktuar buxhetit të shtetit një dëm prej 18 milionë lekë.
