George Clooney, aktori i njohur hollivudian dhe fitues i çmimeve Oscar, ka zbuluar sekretin e martesës së tij të lumtur me bashkëshorten Amal Clooney. Çifti, që ka 11 vite së bashku, duket se ka gjetur formulën e harmonisë në marrëdhënie.
Në një intervistë për People, 64-vjeçari Clooney tha me humor se gjatë gjithë kohës së martesës nuk kanë pasur asnjëherë një grindje.
“Amal dhe unë, të gjithë mërziten kur e them këtë, por ne nuk kemi pasur kurrë një debat. Asnjë,” – tha ai me buzëqeshje.
Sipas tij, sekreti qëndron në maturinë dhe mirëkuptimin që vjen me moshën. “Kur bëhesh më i rritur, kupton se nuk ka arsye për të ngritur zërin apo për t’u debat për gjëra të vogla,” shtoi ai.
Clooney tregoi se për të, gjërat e përditshme nuk vlejnë për t’u kthyer në konflikte. “Nëse Amal do të donte të pikturonte murin me të kuqe, s’do të më shqetësonte fare,” tha ai duke nënvizuar rëndësinë e tolerancës në çift.
George dhe Amal Clooney njihen për jetën e tyre të përkushtuar ndaj familjes dhe angazhimeve humanitare. Aktori theksoi se respekti dhe arsyetimi janë çelësi i një bashkëjetese të qetë.
Historia e tyre është marrë si një shembull pozitiv për çiftet që kërkojnë të ndërtojnë një marrëdhënie të qëndrueshme, të bazuar në dashuri, respekt dhe mirëkuptim të ndërsjellë.
