Zinedine Zidane do të emërohet trajner i përfaqësueses franceze pas Botërorit 2026, pavarësisht rezultateve që Blutë do të arrijnë në këtë kompeticion. Trajneri aktual, Didier Deschamps, do të largohet pas një periudhe 14-vjeçare, gjatë së cilës ai arriti suksese të shumta, përfshirë titullin botëror të 2018, trofeun e Nations League në 2021 dhe finales në Euro 2016 dhe Botërorit 2022.
Deschamps ka pasur privilegjin të drejtojë një ekip me lojtarë të jashtëzakonshëm, duke përfshirë fitimin e Botërorit në Rusi pa Karim Benzema, një nga sulmuesit më të njohur të kohës. Tani, ai do t’ia dorëzojë stafetën ish-shokut të ekipit, Zidane, i cili ka treguar se mund të jetë një trajner i shkëlqyer pas një karriere brilante si lojtar.
Zidane ka arritur sukses të jashtëzakonshëm me Realin e Madridit, duke fituar tre herë radhazi Ligën e Kampioneve, duke hyrë kështu në historinë e këtij kompeticioni. Ai është i njohur për aftësitë menaxhuese, duke qenë në gjendje të kontrollojë një skuadër me shumë yje. Florentino Perez e ka rikthyer atë në stolin e Realit dy herë, një dëshmi për aftësitë e tij si trajner.
Një nga virtytet më të mëdha të Zidane është aftësia për të maksimizuar bashkëpunimin mes lojtarëve me cilësi të lartë, një aftësi që është veçanërisht e rëndësishme kur drejton një skuadër kombëtare. Ai do t’i besojë asistentit të tij, David Bettoni, për aspektet taktike. Megjithatë, detajet e plota për stafin e ri teknik të Francës ende nuk janë bërë të njohura, për shkak se federata synon të jetë e kujdesshme me shpenzimet, veçanërisht pas faktit se Deschamps kishte një staf me 19 anëtarë gjatë mandatit të tij.
Prandaj, emërimi i Zidane si trajner i ri i Francës do të shërbejë si një hap i rëndësishëm për të drejtuar këtë ekip të talentuar drejt suksesit në të ardhmen.
