Marigona është emri më i përfolur në botën e sportit për momentin në Turqi, Greqi dhe së fundmi edhe në Itali.
Bëhet fjalë për 24-vjeçaren shqiptare nga Kosova, e cila u bë e famshme për bukurinë e saj teksa kameramani e fokusoi disa çaste gjatë ndeshjes së basketbollit mes Olympiacos Athina – ASVEL Villeurbanne.
Të mahnitur nga bukuria e saj, të shumtë ishin ata që nisën të kërkonin se kush ishte ajo.
Tashmë mediat greke kanë zbuluar detaje nga jeta e saj. Marigona ka lindur në Kosovë, por është larguar në Gjermani me familjen e saj për një jetë më të mirë.
Aty ajo ka mbaruar shkollën për infermieri. Në Gjermani ajo njohu partnerin e saj, një biznesmen grek që merret me shit-blerjen e arit dhe orave luksoze.
Së bashku ata vizituan Greqinë për pushime, por vendosën që të qëndrojnë aty dhe të shohin rregullisht ndeshjet e “Olympiacos” mesa duket ekipi i zemrës së bashkëshortit të saj.
Marigona thotë se ka marrë disa oferta për të qenë pjesë e emisioneve televizive në Greqi, por i ka refuzuar.
“Mendoj se këto lloj emisionesh ulin personalitetin e femrave dhe i sakrifikojnë ato në altarin e shikimit televiziv”, thotë ajo. Pavarësisht bukurisë së saj, mediat e përshkruajnë si një njeri me këmbë në tokë.
