Formacioni që pritet të ketë Shqipëria sot kundër Letonisë
Shqipëria zbret sonte në fushë ndaj Letonisë për kualifikueset e Botërorit 2026. Trajneri Sylvinho pritet të rikthejë Strakoshën në portë, me mbrojtjen e përbërë nga Hysaj, Gjimshiti, Ajeti dhe Mitaj.
Në mesfushë parashikohet treshja Asllani, Berisha dhe Shehu, ndërsa në krahët e sulmit do të jenë Broja e Hoxha. Dilema e vetme e teknikut mbetet për qendrën e sulmit, ku po shqyrtohet aktivizimi i Dakut ose Manajt.
Kuqezinjtë pritet të hyjnë me formacion të rregullt, ndryshe nga miqësorja ndaj Gjibraltarit, ku u testuan lojtarë të rinj.
