Pika e kalimit kufitar të Kapshticës dhe ajo e Qafë Thanës ka shënuar një fluks të lartë lëvizesh përgjatë 24 orëve të fundit.
Sipas të dhënave zyrtare në këtë dogane kanë hyrë në territorin shqiptar 5,625 shtetas, ndërsa kanë dalë 4,371. Ndërkohë, në pikën kufitare të Qafë Thanës janë regjistruar 5,752 hyrje dhe 4,589 dalje.
Për të përballuar fluksin e shtuar në Kapshticë po punohet me gjashtë sportele në hyrje dhe dalje, ndërsa në Qafë Thanë me katër të tillë.
Muaji Gusht shënon edhe numrin më të lartë të emigrantëve shqiptarë që kthehen në Atdhe nga Greqia për të kaluar pushimet e verës pranë familjeve të tyre.
Por i lartë është edhe numri i të huajve që zgjedhin bregdetin shqiptar si destinacion për të pushuar.
