Trajneri i Barcelona-s, Hansi Flick, po shtyn drejtuesit që të përfshihen në situatën e Jamal Musiala te Bayern Munich.
Sport thotë se Flick ‘ëndërron’ të marr Musiala-n në Barcelonë.
Flick ka punuar me Musiala si në Bayern Munich ashtu edhe me kombëtaren gjermane dhe është një admirues i madh.
Lojtari është duke zhvilluar bisedime për kontratë të re me Bayernin.
Barcelona beson se ka një shans të mirë për të nënshkruar me Musiala-n në të ardhmen, edhe nëse ai rinovon kontratën me Bayern Munich.
Duke shitur lojtarë si Frenkie de Jong, 27 vjeç, Barcelona do të kërkonte të krijonte hapësirë për Musiala.
Nga ana e tij, Musiala muajt e fundit ka thënë:
“Barcelona ishte pika ime e referencës, skuadra ime e preferuar. Unë kisha një fanellë të Messit. Mesfusha me Xavi, Iniesta dhe Busquets më magjepsi.
“Unë mund t’i shikoja ndeshjet e tyre pa pushim. Në anën e pasme të bluzave të mia, kur isha fëmijë, pothuajse gjithmonë shfaqej Messi.
“Kam pasur edhe një me Neymar-in, por Messi ishte heroi im, lojtari im i preferuar”.
