Sekretari i Përgjithshëm i Partisë Demokratike, Flamur Noka, zhvilloi sot një vizitë në Vlorë së bashku me përfaqësues të tjerë të PD-së, për të nderuar Ismail Qemalin me rastin e 28 Nëntorit – Ditës së Pavarësisë.
Gjatë një deklarate për mediat, Noka uroi qytetarët shqiptarë për këtë ditë të shenjtë, duke theksuar rëndësinë historike të saj për kombin. “PD në këtë ditë feste kombëtare uron gëzuar këtë festë, këtë ditë të madhe çdo shqiptari,” u shpreh ai.
Megjithatë, gjatë fjalës së tij, Noka bëri një lapsus, duke thënë fillimisht se “Skënderbeu ngriti flamurin në Vlorë”. Ai e korrigjoi menjëherë veten, duke sqaruar se Skënderbeu ngriti flamurin në Krujë, ndërsa Ismail Qemali shpalli Pavarësinë dhe ngriti flamurin në Vlorë.
