Ferran Torres ka folur për fillimin e aventurës së tij te PSG dhe rolin vendimtar që Luis Enrique pati në transferimin e tij në Paris. Sulmuesi spanjoll dha deklaratat gjatë një Media Day të organizuar nga PSG, ku mes mediave të pranishme ishte edhe Diario AS.
“Gjithmonë kam thënë se Luis Enrique ka qenë si një baba për mua që nga momenti kur shkova te kombëtarja spanjolle. Ai ka besuar gjithmonë tek unë dhe më dha besimin e nevojshëm edhe për të ardhur te PSG”, deklaroi Ferran.
26-vjeçari zbuloi gjithashtu se kontaktet me klubin francez kishin nisur që përpara Botërorit dhe se vendimi për t’u transferuar në Paris ishte marrë që në bisedimet e para.
Ferran pranoi se ndihet më mirë si numër 9, por është i gatshëm të luajë në çdo pozicion të sulmit. Ai foli edhe për përballjen e ardhshme me Barcelonën, duke e cilësuar si një ndeshje të veçantë pas katër viteve e gjysmë të kaluara me katalanasit.
“PSG është aktualisht skuadra më e mirë në Europë. Kemi fituar dy Champions League radhazi dhe do të përpiqemi ta fitojmë edhe për herë të tretë”, shtoi spanjolli.
