Valdete Dizdari, 77-vjeçarja nga Shkodra është gjetur pa shenja jete në një ullishte në fshatin Drisht.
E moshuara e cila vuante nga Alzheimer ishte deklaruar e humbur që pasditen e djeshme. Familjarët kishin bërë denoncim në polici se ajo ishte larguar nga banesa.
Nuk dihen shkaqet që i kanë sjellë vdekjen të ndjerës, por policia thotë se nuk janë konstatuar shenja dhune në trup.
“Shkodër/Informacion paraprak. Rreth orës 17:10, në fshatin “Drisht”, është gjetur e pajetë dhe pa shënja dhune, në një ullishte shtetasja V. Sh., 77 vjeçe.
Kjo shtetase ishte larguar ditën e djeshme nga banesa. Grupi hetimor vijon punën për sqarimin e rrethanave të rastit”, njoftoi policia pak më parë.
