Mbesa e Parashqevi Simakut, Ina Simaku ka lëshuar një deklaratë shokuese në media teksa thotë se familja e saj do të ndërmarrë veprime ligjore kundër aktorit Herion Mustafaraj pasi ky i fundit ka cënuar këngëtaren.
Në reagimin e saj, Ina Simaku shkruan se Herioni, i cili punon në të njëjtin hotel ku po qëndron dhe Parashqevia, ka hyrë pa leje në dhomën e saj duke përdorur kartën e punës, gjë që i ka cënuar rëndë privatësinë e saj.
Gjithashtu në reagim thuhet se ai ka destabilizuar gjendjen e saj emocionale duke i thënë gënjeshtra si dhe duke e bindur Parashqevinë se do të jetë ai që do t’i mundësojë asaj takimin me djalin, Luka dhe ish-bashkëshortin Robert Nolfe. Gjithashtu sipas asaj që shkruan Ina Simaku, aktori ka kërcënuar dhe vëllain e saj, Ani Simaku.Ina Simaku shkruan se pas gjithë këtyre konstatimeve familja Simaku do të denoncojë në polici Herion Mustafarajn pasi ai ka kryer veprime dashakeqëse kundrejt Parashqevi Simakut. Ajo sqaron dhe njëherë tjetër se ky rast i është besuar plotësisht Elton Ilirjanit si dhe është ai i cili do të mundësojë takimin e Parashqevisë me djalin e saj pas shumë vitesh.
“Familja Simaku është e gjitha shumë e shqetësuar nga veprimet pa limit të Herion Mustafaraj! Ai po destabilizon motrën, hallën dhe nënën tonë! Edhe Robert dhe Luka janë në kontakt me Parashqevinë! Ne të gjithë së bashku ja kemi besuar këtë situatë delikate Elton Ilirjanit!
Ai po bën të mundur edhe takimin pas 15 vitesh të Parashqevisë me djalin e saj, Lukën! Herion Mustafaraj rastësisht punon në hotelin ku është strehuar Parashqevia dhe ka bërë disa veprime dashakeqe! Ka hyrë pa leje në dhomën e saj me çelësin e punës!
Ka kërcënuar vëllain tim Ani Simaku dhe ka folur me Parashqevinë duke gënjyer dhe duke i thënë që do i gjejë Lukën dhe Robertin kur ajo është në kontakt dhe ajo do takohet se shpejti!Parashqevia është në krizë emocionale dhe nuk është mirë si pasojë e këtij njeriu! Ne e kemi bërë të qartë, Elton Ilirjani ma besimin e familjareve Simaku, Lukës dhe Robertit!Çdo ndërhyrje tjetër nga ne konsiderohet dashakeqe dhe do denoncojmë në polici! I kërkojmë shtetit shqiptar dhe konsullatës shqiptare në Neë York të na mbrojë!”, ka pretenduar mbesa e Parashqevi Simakut.
