Víctor Muñoz pritet të transferohet te Liverpool. Edhe pse anësori spanjoll ishte shumë pranë kalimit te Newcastle, situata ka ndryshuar dhe sipas Fabrizio Romanos, ai do të firmosë me “Reds”.
Liverpool ka aktivizuar tashmë klauzolën e lirimit prej 40 milionë eurosh, ndërsa gjysma e kësaj shume pritet të shkojë te Real Madrid.
Klubi anglez ka arritur gjithashtu një marrëveshje verbale me lojtarin, i cili pritet të firmosë kontratë afatgjatë deri në vitin 2032.
Ky transferim shihet si një goditje e rëndësishme për Liverpool, që ka arritur të fitojë garën ndaj Newcastle për talentin spanjoll.
