Organizatorët e Festivalit të Këngës Eurovision njoftuan se takimi online i planifikuar për në nëntor, ku do të votohej mbi pjesëmarrjen e Izraelit në garë, është shtyrë për shkak të zhvillimeve të fundit në Lindjen e Mesme dhe marrëveshjes së armëpushimit në Gaza.
Austria, vendi pritës i Eurovision 2026 në Vjenë, kishte bërë thirrje që vendet pjesëmarrëse të mos bojkotonin garën, pavarësisht shqetësimeve lidhur me konfliktin dyvjeçar në Gaza. Megjithatë, disa vende kishin paralajmëruar të tërhiqeshin nëse Izraeli merrte pjesë.
Transmetuesi shtetëror austriak mirëpriti vendimin e Bashkimit Evropian të Transmetuesve Publikë (EBU), sipas të cilit diskutimi mbi pjesëmarrjen e Izraelit do të zhvillohet personalisht gjatë Asamblesë së Përgjithshme të Dimrit, e cila do të mbahet në dhjetor, duke zëvendësuar takimin online të nëntorit.
EBU nuk ka dhënë detaje mbi datën e saktë të votimit, duke njoftuar se informacioni i mëtejshëm do të publikohet në javët e ardhshme.
