Europa po përballet me një valë të fuqishme të ftohti, që ka sjellë ndërprerje masive transporti në disa shtete, mbyllje shërbimesh dhe qindra anulime fluturimesh.
Francë – Parisi zbardhet nga dëbora, transporti rikthehet me vështirësi
Pas reshjeve të dendura të mëngjesit, gjendja në Paris po përmirësohet gradualisht, por 12 departamente të Francës mbeten në alarm portokalli për borë dhe akull.
Në rajonin Île-de-France, autobusat po rikthehen me kufizime, ndërsa në linjat RER, Transilien dhe tramvaj, ka ndërprerje në linjat A, C, V, N, U dhe T3a.
Shërbimet e metrosë funksionojnë pothuajse normalisht, por problematika vazhdon në rrjetin hekurudhor, mbledhjen e mbeturinave dhe shpërndarjen e postës.
Departamentet të prekura nga alarmi janë: Corrèze, Haute-Vienne, Creuse, Allier, Nièvre, Cher, Loiret, Yonne, Aube, Marne, Aisne dhe Ardennes.
Holandë – Schiphol me mbi 800 fluturime të anuluara
Moti i ashpër ka shkaktuar ndërprerje të rënda edhe në Holandë.
Në Aeroportin Schiphol u anuluan rreth 800 fluturime, shumica të kompanisë KLM, ndërsa mbi 1,000 pasagjerë kaluan natën brenda terminalit. Në aeroport janë vendosur shtretër kampingu për të strehuar udhëtarët.
Në total, nga 1,100 fluturime të planifikuara, pjesa më e madhe pritet të anulohet.
Ndërprerjet po godasin edhe rrjetin hekurudhor:
trafiku në Rotterdam Qendror dhe Bredë është plotësisht i ndalur
linja hekurudhore me shpejtësi të lartë për në Belgjikë është jashtë funksionit
kompania NS po operon në orar të reduktuar dimëror dhe u kërkon qytetarëve të shtyjnë udhëtimet jo urgjente
Alarm portokalli është në fuqi pothuajse në të gjithë vendin për shkak të borës, akullit dhe reduktimit të dukshmërisë.
Belgjikë – dhjetëra fluturime të anuluara dhe paralizë transporti
Në Belgjikë, reshjet e borës kanë shkaktuar 40 anulime fluturimesh në aeroportin Bruksel-Zaventem dhe vonesa të shumta.
Instituti Meteorologjik ka lëshuar alarm portokalli pothuajse për të gjithë vendin.
Autoritetet u kërkojnë qytetarëve të shmangin udhëtimet, pasi rrugët janë të rrezikshme nga akulli dhe dëbora.
Provincat më të prekura janë Hainaut dhe Liège, ku pritet akumulim deri në 10 cm borë.
Transporti publik është kufizuar me devijime dhe anulime në linjat e autobusëve, tramvajit dhe trenave.
Mbretëria e Bashkuar – stuhia “Goretti” dhe mijëra fëmijë pa shkollë
Britania po vijon të përjetojë vështirësi për shkak të temperaturave nën zero dhe reshjeve të dendura të borës.
Stuhia Goretti ka goditur ishullin nga Skocia deri në Uells dhe Irlandën e Veriut, me temperatura deri në -6°C në Aberdeen, ku dëbora ka rënë për shtatë ditë rresht.
Ndërprerjet prekin:
trafikun rrugor
linjat hekurudhore
