Moderatorja e njohur Jonida Vokshi humbi të atin disa muaj më parë, një ngjarje që siç e rrëfen vetë ajo, vazhdon të mbetet shumë e vështirë për ta pranuar.
Në një bisedë me ndjekësit në rrjetin social Instagram, Jonida ka folur hapur për këtë periudhë të errët të jetës së saj.
Një ndjekës e ka pyetur: “Si e përjetove humbjen e babait? Unë e humba dy muaj pas teje dhe jam shumë keq.”
Jonida i është përgjigjur me shumë sinqeritet, duke treguar se edhe vetë ende po përballet me dhimbjen dhe se procesi i pranimit është jashtëzakonisht i vështirë.
“Ende nuk jam pajtuar me faktin, ende nuk jam vërtet koshiente. Ka momente që e ndjej që ka ndodhur vërtet dhe ato janë momentet më të vështira. Por vazhdoj jetoj me të, tregoj historitë e tij kudo”, u shpreh ajo, duke shtuar, “Është proces, më i vështiri në botë, por jetësor. Dhemb, por të jep forcë të luftosh që ai të jetë krenar për ty, prej nga kudo të sheh e të ruan”, shkruan Jonida.
